د. منار علي جودة تكتب: صعوبات التعلم!! يعني إيه؟
كلنا الفترة الاخيرة سمعنا المصطلح ده كتييييير وارتبط نواحي كتيرة نفسية وتربوية وكمان شغل بال الآباء والمربين ووصل كمان لعلماء النفس والأعصاب والطب واللغه... فيهم اللي قال عليه أنه تأخر في العمليات الخاصة بالكلام،اللغة، القراءة، الكتابة،الحساب أو أى مواد دراسية أخرى فيه ناس عرفت الكلام ده بأنه اضطراب وظيفي للمخ أو اضطراب سلوكي .
ومنهم اللي عرفه بخلل في الجهاز العصبي المركزي اللي أدي الي اعاقة في الكفاءة للتعلم وغيرها من وجهات النظر باختلاف تخصصاتها لكن اللي الكل اتفق عليه أن الطفل اللي بيعاني من صعوبات التعلم بيكون السبب احيانا لخلل في الادراك السمعي أو البصري أو خلل في وظائف الجهاز العصبي المركزى أدي الى انخفاض في التحصيل في جميع المجالات الاكاديميه (القراءه –الكتابه-التهجي-الحساب) وده بيكون في جميع المراحل العمرية.
إن صعوبات التعلم مش بس بتأثر علي المجالات الاكاديميه دي كمان تؤدي إلي اضطرابات نفسية ومشاكل اجتماعيه سلوكيه وعلي المهارات الادراكيه والتكامليه (الانتباه-الادراك) بس لازم كلنا نفرق بين صعوبات التعلم ومشكلات التعليم ،وبين صعوبات التعلم والتأخر الدراسي ،صعوبات التعلم وبطء التعلم، صعوبات التعلم والتخلف العقلي...علشان نقدر نقلل من التداخل في المصطلحات وأخطاء التشخيص لازم أفرق بين صعوبات التعلم ومشكلات التعليم ..زى ما قولنا طفلي اللي بيعاني من صعوبات تعلم بيكون عنده صعوبه في فهم المعلومات اللي بتتقدم ليهم وفي استخدام اللغة المنطوقه أو المكتوبه، أما مشكلات التعليم برجع الخلل أو القصور بسبب إعاقة حسيه أو بدنيه وزي ما عرفنا صعوبات التعلم لازم اعرف يعني ايه عدم القدرة على التعليم.. هو أن طفلي يبقي أكثر اندفاعيه وارتباكا وساعات بيكون خلل نصفي للمخ طيب ايه الفرق بين صعوبات التعلم والتأخر الدراسي.. التأخر الدراسي بيكون انخفاض التحصيل الدراسي نتيجة لعدم التكيف الاجتماعي للمدرسة أو الاسرة.
ولازم كمان أعرف أن طفل بطء التعلم ده بيكون مستوى تحصيله اقل من الحد الادني للمتوسط للذكاء لكن صعوبات التعلم بيكون متوسط أو أعلي من المتوسط لمستوى الذكاء وده بيكون باتباع برنامج علاجي تربوي أكاديمي تحصيله أعلى من بطء التعلم.
كمان لازم نبقي عارفين إن التخلف العقلي وجه من وجوه الذكاء بيكون المعدل ليهم اقل من الطبيعي واكتر سمة أقدر أعرف أن ابني أو بنتي بيعانوا من صعوبات التعلم هي أنه بيكتب الحروف والارقام كأنها قدام مرايا (متشقلبه من الشمال لليمين) طيب أعمل ايه علشان أتغلب علي صعوبات التعلم لابني:
أدرب ابني أو بنتي علي المهارات الحركية الأساسية في البداية
مع تدريب الوظائف اللمسيه من خلال حمل الأشياء واستخدامها
ثم تدريب القدرات العقليه (ادراك –انتباه-تقدير الوان-وعي المسافات-ادراك الشكل والمكان)
تدريب مهارات الاستماع والقراءه والكتابة والكلام من خلال( التقليد –اللمس-بطاقات التمرير السريع والاشياء المحسوسة).
